وين انت رايح ياخفوقي على وين
مالك ومال الحب والشوق والهم
اللي يعاف الحب ويحب هالحين
مثل الذي غسل من الدم بالدم
طِعّني انا ابخص بالهوى واعرفه زين
حاليه يا مره .. ومره ترى سم
مال الوله عقلٍ .. ولا للغلا عين
صاحي ولكن في الحقيقه توهم
ماكل من تهواه في عينه يبين
ياقل ماتعطيه لو جايله جم
مافيه عدلٍ بين عشق المحبين
ناسٍ شحيحة حب .. وناسٍ كما اليم
جروح المحبه تبطي سنين وسنين
شفها على رسم الملامح تزاحم
حدك هنا رايح ياقلبي على وين
هذا طريق اللي يسمونه الهم